الظواهري وايي د غزې په تراډه د اسرائيلي بريدونو پر وړاندې دې د نړۍ مسلمانان د امريکا، اسرائيل او ددوى د پلويانو گټې په نښه کړي او پر دوى دې بريدونه وکړي .
الظواهري د يوې انټرنيټې وېبپاڼې له لارې په يوه خپاره شوي غږيز پيغام کې ويلي چې مسلمانان بايد د فلسطين غزې له اوسېدونکو سره لانوره مرسته وکړي .
دى پرته له دې چې خپل مشخص اهداف په گوته کړي، زياتوي چې نه ښايي چې بريدونه يوازې د اسرائيل د ننه وشي، بلکې ددوى پر پلويانو دې هم بريدونه وشي .
الظواهري د خپل پيغام په وروستۍ برخه کې پر مسلمانانو غږ کړى چې خپلو اهدافو ته د رسېدو لپاده دې مالي لگښت نه سپموي .
څو ورځې وړاندې د القاعده ډلې مشر اسامه بن لادن هم په يوه خپاره شوي غږيز پيغام کې د عراق پر مسلمانانو غږ کړى وو چې د فلسطين د ازادۍ لپاره دې جهاد وکړي .
اسامه دا هم ويلي چې پر غزه د بنديز غزول د انابوليس د کانفراس له پايلو څخه دى .
اسامه په خپل خپاره شوي پيغام کې پر فلسطيني چارواکو نيوکه کړې چې له اسرائيلو سره دې خبرې اترې نه کوي، بلکې د فلسطين د ازادۍ لپاره دې جهاد وکړي .
د القاعده مشر له مسلمانانو په ټينگه غوښتي ول چې په عراق کې دې د امريکايي يرغلگرو پروړاندې خپل جهاد ته دوام وکړي، ځکه چې دا د ''فلسطين د ازادۍ'' يوازېنۍ لاره ده .
By:Feroz Nikzad
No comments:
Post a Comment
فیروز نیکزاد منکل