..نن له ایران سره د افغان سوداګرو د پرېکون وروستۍ ورځ ده

KHOST NEWS

د افغان سوداګرو له لوري ايران ته ورکړل شوی مهال وېش نن پای ته رسېږي.

د افغانستان د سوداګرۍ خونې وايي دغې پرېکړې ته له دې امله اړ شول چې ايران نړيوالو سوداګريزو تړونونو ته ژمن نه دی 

د افغانستان او ايران تر منځ د سوداګرۍ په برخه کې ناندرۍ او جنجال نژدې دوه مياشتې مخکې هغه مهال راپور ته شو چې ا يران پخپله خاوره کې د افغان سوداګرو هغه سلګونه تيلي ټانکرونه ايسار کړل چې له عراق او ترکمنستان څخه يې تېل راوړل.

د افغانستان د سوداګرۍ خونو شاوخوا يوه اوونۍ وړاندې يو مهال وېش ټاکلی و چې که ايران د دوی تيلي ټانکرونه را پرې نږدي د سوداګرۍ خونې به له هغه هېواد سره سوداګريز اړيکي غوڅوي

ټاکل شوی مهاوېش نن (سه شنبه) پای ته رسېږي او د ايران په دريځ کې هم تر دې مهاله پورې هېڅ بدلون نه لېدل کېږي، ځکه افغان سوداګر او حکومت وايي لا هم هغه سلګونه ټانکرونه د ايران په خاوره کې ايسار ولاړ دي چې له عراق او ترکمنستان څخه يې افغانستان ته د افغان سوداګرو تېل رالېږدول

د افغانستان د سوداګرۍ د خونو مرستيال خان جان الکوزی وايي افغان سوداګرو پتېيلې چې تر دې وروسته ايراني مالونه افغانستان ته را نه وړي:

''زموږ سوداګر وايي چې په ایران کې زموږ پیسې خوندي نه دي، ایران په خپلې دې پرېکړې سره نړیوال قراردادونه تر پښو لاندې کړل، که ایران د افغان سوداګرو پیسې دولتي کړي، موږ به خپله سوداګري له ایران سره کمزورې کړي، چې دا کار په یوه ځل نه کېږي او وخت ته اړتیا لري، او د سوداګرو زیات مالونه هلته پاتې دي، افغان سوداګرو فیصله وکړه چې افغانستان ته د ایران له لارې د ایراني تولیداتو راوړلو بهیر به کمزوری کړي.''

د ايران او افغانستان تر منځ په کال کې د نژدې۸۰۰ ميليونه ډالرو په ارزښت سوداګريزه راکړه ورکړه کېږي او افغان سوداګر په لويه کې د ودانيو اړين توکي، او خوراکي توکي له ايران څخه راوړي

په همدې حال کې د افغانستان د سوداګرۍ او صنايعو وزارت وايي افغان سوداګر د قانون له مخې په خپله پرېکړو کې ازاد دي او له ايران څخه د مالونه د نه راوړلو پرېکړه د حکومت رسمي دريځ نه دی

وړاندې د سوداګرۍ او صنايعو وزير انوارالحق احدي چې دا مهال روسيې ته د نورو تېلو د اخيستلو لپاره تللی، ويلي ول د افغان سوداګرو د تيلي ټانکرونو ايسارول د افغانستان – ايران تر منځ د ترانزيټي تړون پر خلاف دي خو ويلي يې و چې د ستونزې د هواري لپاره اوس هم هڅې کوي

له بلې خوا تېره ورځ د مشرانو جرګې د شکايتونو د اورېدو کمېسيون د افغانستان د بهرنيو چارو له وزارته غوښتي ول چې دغې ستونزې ته ديپلوماتيکي حل لارې ولټوي

د ايران په خاوره کې د افغانستان سوداګرو د شاوخوا ۱۸۰۰ تيلي ټانکرونو ايسارولو د عامو افغانانو غبرګونه هم راپارولي دي چې تر دې مهاله په پلازمېنه کابل سربېره ځينو نورو ولايتونو کې هم د ايران پر ضد لاريونونه شوي دي

ايران وايي دغه ټانکرونه يې ځکه ايسار کړي چې شک لري تېل يې په افغانستان کې مېشتو ناټو ځواکونو ته رسول کېږي خو افغان لوری او خپله ناټو دا ادعا بې بنسټه بولي

 

هند افغانستان سره د کانونو په کیندلو کې مرسته کوو

KHOST NEWS

هند به افغانستان سره د سولې د راتګ په پروسې او بیلابیلو بنسټیزو او بیا رغاونو پروژو کې مرسته کوي. دا راز هند وایي د افغانستان سره به د کانونو د استخراج او کیندنې کې هم همکاري کوي.

دهند د بهرنیو چارو وزیر ایس ایم کریشنا نن په کابل کی د خبریالانو سره د لیدنې په ترڅ کې د افغان چارواکو ته دا ژمنې وکړې

ایس ایم کریشنا چې پرون افغانستان ته را غلی دی نن یې د افغانستان د بهرنیو چارو له وزیر ښاغلی زلمی رسول سره په ګډې خبري ناسته کې وویل، هند افغانستان ته د سولې د راتګ لپاره د افغان دولت هلې ځلې ستایي او ورسره به په دې هڅو کې ملاتړی وي. همدارنګه د سیمې د موضوعاتو د څیړلو لپاره به د افغانستان سره یو ستراتیژیک پلان جوړوي

د هندوستان په پوهنتونونو او تحصیلي مراکزو کې د افغان ځوانانو د تحصیل لړۍ له ډیر پخوا راهیسې را روانه ده او ددې هیواد د بهرنیو چارو وزیر دا ژمنه وکړه چې په راتلونکي کې به هم دا لړۍ دوام ولري.

په همدې اساس ښاغلي کریشنا د هندوستان د جواهر لعل نهرو په پوهنتون کې د دري او پښتو د ژبو د داخلولو زیری هم ورکړ.

ښاغلي کریشنا له خبریالانو سره په خبرو کی خبردارئ ورکړ چی بهرنۍ لاس وهنې به د افغانستان د روغی جوړی مذاکرات په خطر کی واچوي او دا د افغانستان د ثبات او راتلونکې د پاره او د ډیموکراسۍ د اعادی لپاره تعینونکې ونډه لری.

دا خبرې پاکستان ته یو ډول خبردارئ ؤ . د پاکستان قباییلی سیمی د طالبانو قوي مرکزونه گرځیدلې دي.

هندي چارواکي افغانستان نه د لیدنې په ترڅ کې دا هم وویل چې هیواد به یې له افغانستان سره د بنسټیزو او بیا رغاونو پروژو په پلي کولو او کانونو په کیندلو کې همرسته کوي.

په دې خبري ناسته کې د افغانستان د بهرنیو چارو وزیر زلمي رسول وویل په زراعتی برخو کې یې هم د هند مرستې غوښتي دي چې د مقابل لوري له خوا ومنل شوې.

په همدی لړی کی هند په افغانستان کی د روانی وچ کالی له وجی د نږدی ۱۰۰ زرو تنو غنمو د مرستی ږمنه هم کړی ده

د هند د بهرنیو چار وزیر په افغانستان کی د شتو امنیتی ستونزو په اړه اندیښنه څرګنده کړه او وې ویل نن سبا دا د دواړو هیوادونو ستونزه ده خو له دی ټولو ستونزو سره سره په دی هیواد کی د خپلو کارکونکو د ځان ساتنی په اړه د افغان دولت نه منندویه دی.

هند په تیرو ۸ کالو کی د افغانستان سره په بیلابیلو برخو کی د یو ملیارده دوه سوو ملیون دالرو مرسته کړیدهاو په همدی حال کی ددی هیواد ۴۰۰۰کارکونکی د افغانستان په بنسټیزو او بیا رغاونو په پروژو کی په کار لګیا دي.

په افغانستان کی د بیلابیلو تروریستی او ځان وږنی حملو په ترڅ کی ددی هیواد ۱۸ تنه وکړی وژل شوی دی خو لا هم دې هیواد د افغانستان سره د مرستو د کړو ژمنو رنګ پیکه کړی ندی.



د اسلامي هېوادونو راتلونکې غونډه پر افغانستان غږېږي

KHOST NEWS

د افغانستان د سولې عالي شورا وايي د اسلامي هېوادونو کنفرانس په پام کې لري په سعودي کې يوه داسې غونډه را وبولي چې تر ډېره به په کې د افغانستان د ستونزو د هواري په اړه خبرې اترې وشي.

د شورا د چارواکو په خبره د اسلامي هېوادونو ټولنې او آی سي له دوی غوښتي چې له طالبانو سره د خبرو او بېا پخلاېنې په تړاو خپل پلانونه او وړاندېزونه مخې ته کړي.

د سولې د عالي شورا مشر برهاندالدين رباني وايي د او آی سي مشرتابه د يوه رسمي پېغام پرمټ ورته په مارچ مېاشتې کې د سعودې په غونډه کې د ګډون بلنه ورکړه او دغه راز د دغه سازمان يو پلاوي هم له ده سره په کابل کې په دې اړه لېده کاته کړي:

''د اسلامي هيوادونو د کنفرانس يو پلاوي راسره خبرې کړي او راته يې وويل چې د مارچ په لومړۍ نېټه يو ځانګړی کنفرانس جوړوي چې تر ډېره به په کې د افغانستان په اړه خبرې وشي

دغه کنفرانس په جده کې داېرېږي، پلاوي راته د اسلامي هېوادونو د کنفرانس د مشرتابه پېغام را ورساوه او له مايې وغوښتل چې په دغه غونډه کې برخه واخلو او هلته د کنفرانس ګډونوالو ته د سولې په تړاو مهمې موضوعګانې، وړانديزونه او خپل نظرونه مخې ته کړو.''

ښاغلي رباني و نه ويل چې دوی به په دغه کنفرانس کې په مشخص ډول له اسلامي هېوادونو نه څه ډول مرسته غواړي خو د سولې د عالي شورا وېاند قيام الدين کشاف بي بي سي ته وويل، دوی به په دې تړاوو په خپلو راتلونکو ناستو کې پرېکړې کوي.



که څه هم د ااسلامي هېوادونو د راتلونکی کنفرانس اجنډا نه ده مالومه، خو یوه لویه برخه به یې پر افغانستان راټوله وي.


د سولې د عالي شورا مشرتابه اسلام اباد ته خپل سفر اغېزناک وارزاوه او ويې ويل چې د پاکستان حکومت ورسره له طالبانو سره د خبرو په برخه کې د مرستې سېنه وهلې خو په ښکاره يې و نه ويل چې دوی له پاکستان نه په دغه برخه کې څه ډول مرسته غواړي.

د افغانستان د سولې عالي شورا شاوخوا شپږ مېاشتې د مخه جوړه شوه چې د افغان حکومت او طالبانو ترمنځ د خبرو زمېنې برابرې کوي،او د افغانستان د لانجې يو سېمه اېز هواري ته لاره هواره کړي.








Moqtada al-Sadr made a surprise return to Iraq

KHOST Breaking News

KIRKUK, IRAQ - Anti-American Shiite cleric Moqtada al-Sadr made a surprise return to Iraq on Wednesday, ending nearly four years of self-imposed exile in Iran.

The cleric went to his family home in the southern Iraqi city of Najaf, and then visited the Holy Shrine of Imam Ali, surrounded by dozens of supporters. His arrival led television news reports across the country.

A crowd has also gathered outside Sadr's home, according to the televised reports. And a spokesman for the cleric said Sadr would "address the country" Wednesday night or Thursday morning.

Sadr's return comes just two weeks after Prime Minister Nouri al-Maliki, also a Shiite, cobbled together a unity government to begin a second term. Support from a bloc of Sadr loyalists in Iraq's parliament pushed Maliki past the threshold needed to form his cabinet.

Sadr is believed to have fled Iraq in early 2007, during the American military's surge campaign, when an arrest warrant was issued for him. His loyalists and militia were among the most potent opponents of the U.S. military presence in the country.

Iran's foreign minister also visited Iraq on Wednesday, meeting with Maliki and more than a dozen other government officials in Baghdad, the capital. Foreign minister Ali Akbar Salehi was the latest in a string of officials from neighboring Middle Eastern countries to visit the Iraq in recent weeks.

American diplomats have played down any increasing Iranian influence in Iraq as the United States winds down its military presence in the country.

منکل زوړکوت موسی خیلووسوالی

Greetings From  Mangal منکل زوړکوت

د پنجاب والي سلمان تاثير په يوه بريد کې وژل شوی دی

KHOST NEWS

د پاکستان په پلازمېنه اسلام اباد کې د پنجاب والي سلمان تاثير په يوه بريد کې وژل شوی دی .

پوليس وايي بريد د والي امنيتي ساتونکی کړی چې د والي له ګاډي د باندې له ګڼې ګوڼې په يوه ډکه کوڅه کې ولاړ و.

والي سلمان تاثیر د اېف سېکس سېکټر په 'کوهسار' مارکېټ کې د پېر او پلور په یوه ګڼه ګوڼه کې ووژل شو.

د اسلام اباد د پولیسو یوه چارواکي احمد اقبال رسنیو ته وویل ښاغلی تاثیر په ګاډي کې د کښېناستو په حالت کې و، چې د هغه یوه ساتونکي پرې ډزې وکړې.

تر برید وروسته والي ژر روغتون ته ولېږدول شو، خو لږ شېبه وروسته ومړ.

سلمان تاثیر د پاکستان یو له مشهورو سیاسي څېرو څخه و.

پولیس وايي چې د والي امنيتي ساتونکی او پر هغه برید کوونکی ممتاز حسین قادري نومېږي.

په سیمه کې یوه عيني شاهد بي بي سي ته وویل:''موږ د ننه کار کاوه او د چاودنې غږ مو واورېد. کله چې د باندې راووتلو نو هرې خوا ته وینې پرتې وې. هغه سړی چې ویشتل شوی و په میدان کې پروت و، ورسوته سیمې ته امنیتي ځواکونه راورسېدل.''

بل خوا د پاکستان د کورنیو چارو وزیر رحمن ملک په کراچۍ کې رسنیو ته ویلي پر والي برید کوونکي منلې چې دا برید هغه قصداُ کړی دی.

رحمن ملک ویلي برید کوونکي ویلي پر والي یې ځکه دا برید کړی، چې هغه د 'ناموس رسالت' قانون یو تور قانون بللی و.

په پاکستان کې د 'ناموس رسالت قانون' له مخې څوک چې د اسلام پیغمبر ته سپکاوی وکړي، سزا ورکول کېږي.

ښاغلي ملک وویل دا مهال له برید کوونکي پوښتنې ګروېږنې روانې دي، چې ایا د برید ترشا خو به د بل چا لاس نه وي.

بل خوا د پاکستان لومړي وزیر یوسف رضا ګیلاني د درو ورځو لپاره ماتم اعلان کړی، او د ښاغلي تاثیر د وژنې په اړه یې د سملاسي پلټنې امر کړی دی.

د ښاغلي تاثیر جنازه به د چهارشنبې په ورځ په لاهور ښار کې ترسره شي.

سلمان تاثیر د پاکستان ولسمشر اصف علي زرداري ته نژدې سړی و.

د ښاغلي تاثیر قاتل ممتاز حسین قادري، چې د سلمان تاثیر تر وژلو وروسته یې پخپله ځان پولیسو ته وسپاره.

د هغه په وژل کېدا سره د پاکستان په ملتان او لاهور ښارونو کې ګڼ پاکستاني وګړي واټونو ته راووتل او لارې یې د ترافیکو پرمخ وتړلې.

په اسلام اباد کې د بي بي سي خبریال علیم مقبول وايي ښاغلی تاثیر د پاکستان یو له مخورو سیاسي څېرو څخه و، چې کېدای شي په وژل کېدا به یې په پاکستان کې روانه سیاسي ترینګلتیا لاپسې ډېره شي.

د پاکستان د خلکو ګوند په مشرۍ واکمن ایتلاف دا مهال له سیاسي شخړو سره لاس او ګرېوان دی.

له دغه واکمن ایتلاف څخه متحده قومي غورځننګ یا MQM ووت.

تر هغه مخکې د یوه بل کوچني ګوند جمعیت علمای اسلام دوه وزیران هم له ایتلافه ووتل.

کرزی: اساسي قانون ځينې نیمګړتیاوې لري

KHOST NEWS

ولسمشر حامدکرزي ويلي په اوسني اساسي قانون کې يو لړ داسې ستونزې شته چې بايد د اړتيا پر مهال د لويې جرګې له لوري هوارې شي.

ولسمشر کرزي چې د اساسي قانون د تصويب د اوومې کليزې په وياړ غونډې ته وينا کوله وويل اساسي قانون له افغانانو څخه ژمنتيا غواړي او له بهرنيانو څخه غواړي چې د قانون د پلي کولو په برخه کې لاسوهنه و نه کړي .

نوموړي زياته کړه د اساسي قانون ځينو ټکو په تېر کې يو لړ ستونزې راټوکولې دي خو له دې سره سره هغه دا يو ښه قانون وباله.

ښاغلي کرزي وويل ددغه قانون مهم احکام اسلام ته درناوی او پر ولسواکي باور دی :

 

''د دې اساسي قانون تر ټولو مهم احکام دا دي چې افغانستان اسلامي دی او هېڅ قانون په دې هېواد کې د اسلام د احکامو خلاف نه شي کېدای. دا د ولسواکۍ نظام دی او ټولې هغه ادارې چې د خلکو د استازیتوب لپاره کار کوي، د خلکو لخوا به ټاکل کېږي.''

 

ښاغلي کرزي وویل چې د افغانستان اساسي قانون د خلکو ملي تړون دي، چې د ټولو خلکو حقونه پکې خوندي شوي دي.

 

ولسمشر کرزي د افغانستان له خلکو او سیاسي څېرو اساسي قانون ته د درناوي غوښتنه وکړه .

نوموړي له بهرنیانو هم وغوښتل چې اساسي قانون پلی او د افغانستان په کورنیو چارو کې لاسوهنه ونه کړي

 

''له بهرنیو دوستانو دا هیله لرو چې د زموږ په کورنیو چارو کې د لاسوهنې لاس ورلنډ کړي، بالاخره دوی لاسوهنه کوي.''

د افغانستان اساسي قانون ۱۲ فصلونه او ۱۶۲ مادې لري، په ۱۳۸۲ کې د لویې جرګې تر تصویب وروسته د ولسمشر کرزي لخوا توشیح او د پلی کېدو وړ وګرځېد.

تر هغه مخک ې هم افغانستان اساسي قانون درلود.

په ۱۳۰۴ کال کې هم د افغانستان د نظامنامې په نامه تصویب شوی و.

  

خو ښاغلي کري دا په ډاګه نه کړه چې ګني د کوم هېواد یا بهرني سازمان لخوا د افغانستان په کورنیو چارو کې

لاسوهنه کېږي.

هغه وویل د افغانستان حکومت د اساسي قانون په پلی کولو کې هڅه کړې، خو دا یې هم ومنله چې د اساسي قانون د ځينو برخو په نه پلی کولو کې ناغيړي شوې ده:

''په تېرو اوو کلونو کې موږ خپلې ټولې چارې په سمه توګه ترسره کړې، البته د اساسي قانون په پلی کولو کې مو ډېرې ستونزې درلودې، ستونزې مو هم درلودې او ناکامۍ هم، زموږ د ناکامیو یوه بېلګه د ولسوالیو په کچه د ټاکنو نه کېدل دي، چې دا د اساسي قانون په ښکاره حکم دی، خو موږ تر دې مهاله ونه توانېدو چې دا پلی کړو.''

د افغانستان ولسمشر دا هم وویل چې د ۱۳۸۲کال په اساسي قانون کې ځینې نیمګړتیاوې شته، چې ارومرو یو وخت بدلون ته اړتیا لري:

''زموږ اساسي قانون ستونزې لري، یو وخت باید افغانان د لویې جرګې په راغوښتلو سره راټول شي او زموږ په اساسي قانون کې بدلون راولي، په دې قانون کې ځینې داسې ځایونه شته چې دا شپږ اووه کاله موږ وچلاوه، خو له ستونزو سره یې مخامخ کړو، خو موږ باید خپل اساسي قانون ته وخت ورکړو چې د خلکو د خدمت سرچینه وګرځي.''

او تر هغه وروسته بیا په ۱۳۱۰ کال کې د افغانستان د دولت اساسي اصولنامه تصویب شوه.

او په ۱۳۴۳ کال کې د افغانستان د پخواني پاچا محمد ظاهر شاه لخوا د افغانستان اساسي قانون تصویب شو چې په پایله کې د هېواد درې ګونو قوو ته واک ورکړل شو.

اسماعيل خان په نويو برسېره شويو امريکايي اسنادو کې

KHOST NEWS

 

د افغانستان په اړه د امريکا نور پټ اسناد د انرژۍ وزارت ته د اسماعيل خان د بيا گومارنې پر سر د واشنگټن او ولسمشر کرزي ترمنځ د ناندريو څرگندويي کوي

په يوه دغه سند کې چې د ويکيليکس وېبپاڼې خپور کړى، راغلي چې امريکايي ډېپلماتانو تېر کال د کابينې تر اعلان وړاندې، له حامد کرزي نه غوښتي و چې اسماعيل خان ته وزارت ورنه کړي، ځکه چې د هغوى په باور فاسد دى او په کار هم نه پوهېږي.

په سند کې راغلي چې سفير آيکنبېري د مخکني جهادي قوماندان اسماعيل خان گومارل، د کرزي "تر ټولو ناوړه" انتخاب بللى دى او پر هغو وزارتونو يې د امريکايي مرستو د بندولو احتمال ته گوته نيولې چې مشري يې وړ کسانو ته نه وي سپارل شوي

حامد کرزي يې په ځواب کې ويلي چې د اسماعيل خان د گومارلو موضوع يې د بهرنيو چارو له وزيرې هيلري کلنټن سره پخه کړې او د چارو د سمون لپاره به وړ کسان د وزارت د معينانو په توگه وگوماري

په يوه بل سند کې راغلي چې په دې اړه له کرزي سره د امريکاييانو بيا بيا خبرو ونشواى کړى چې هغه پر اسماعيل خان له ټينگار نه راوگرځوي.

دا امريکايي اسناد د بډو يا فساد کوم ټاکلى تور پر اسماعيل خان نه لگوي، خو پلټونکو يې په وزارت کې تر سلو ډېر بانکي حسابونه موندلي چې د پيسو د ورتگ يا تگ اسناد نه لري.

د امريکا پرمختيايي ادارې – يو اېس اى آى ډي هم د انرژۍ وزارت د بې کفايتۍ په اړه ويلي چې د وزارت د عايداتو پنځمه برخه د چارو د ناسم تنظيم له امله له منځه ځي.

يعنې وزارت نشي کولاى هومره پيسې چې د برېښنا پر توليد او توريد لگوي، د برېښنا له کاروونکو نه تر لاسه کړي

د اسوشيتيد پرېس خبري آژانس د نړيوالو مرستنديوانو له خولې ليکلي چې په انرژۍ وزرات کې د فساد او شکونو تورونه تر هغه لږ وروسته په راوتو شول چې اسماعيل خان يې په ٢٠٠٤ کال کې مشرتابه ته وگومارل شو.

خبريالان وايي چې مخکنيو کارکوونکو او نړيوالو مرستندويانو په انرژۍ وزارت کې د ناوړه ادارې، کمزوري نظم او اختلاس شتوالى تاييد کړى دى.



United States Fears Iran

KHOST NEWS

United States fears that Iran will shorten the time it needs to obtain nuclear weapons over the coming months by using new technology.



Washington is particularly concerned that Tehran might deploy a new generation of centrifuges to enrich uranium, a process that can yield nuclear fuel and weapons-grade material.






Since such devices are three times faster than the centrifuges Iran relies on now, officials say they would reduce the “dash time” needed to develop a nuclear weapon.






“If they were to deploy large numbers of these second-generation machines then it could dramatically reduce dash time,” said an administration official.






The US would look at the next quarterly report of the UN nuclear watchdog to see if Iran was making progress with the new centrifuges, he said.






The previous such report, in November, indicated Iran planned to deploy several hundred new centrifuges for “research and development” at its once-secret nuclear site near Qom.






David Albright of the Institute for Science and International Security (Isis) in Washington said: “The next crisis will probably be over the question of deployment of these advanced centrifuges.”






Iran has been working for years to build a new generation of centrifuges. But they have yet to be deployed in significant numbers in spite of announcements by Mahmoud Ahmadi-Nejad, the president, that the effort had succeeded.






The Obama administration says it would take Iran one to two years between reaching a decision to make a bomb and producing enough highly enriched uranium for one weapon. That would leave plenty of time for detection by UN inspectors – unless the centrifuges are at a secret site.






Some outside commentators say far less time would be needed – about six months, according to Isis. Iran says its nuclear programme is purely peaceful.






Commentators agree the calculations would change greatly if Iran deployed more efficient centrifuges.